തിരിച്ചുവരവ്

​

​​

ഇനിയൊരിക്കലും കാണരുതെന്ന-
ഉടമ്പടിയിൽ ഞങ്ങൾ പിരിഞ്ഞു.

ഇരു വഴികളിലേയ്ക്കായി -
നടന്നകുന്നു.

ബിരുദത്തിന്റേയും ഭാഗ്യത്തിന്റേയും വഴികളിലൂടെ അവൾ നടന്നു.

കവിതയെ മെതിച്ച് സ്വപ്നങ്ങൾ കടഞ്ഞ് കാഞ്ഞിരം വാറ്റിക്കുടിച്ച് ഞാനും.

അനന്തമായ വഴികളിൽ അവയെല്ലാം -
പലകുറിയുണർന്നു, മറഞ്ഞു.

ശരത്ക്കാലമെന്നെ നോക്കി -
കണ്ണിറുത്തിയൊരു നരച്ച സന്ധ്യയിൽ,

കരഞ്ഞു കണ്ണു ചുവന്ന കവിതയുമായി,
ഒരു അത്താണിയിൽ ഞാനിരുന്നപ്പോൾ -

സ്വപ്നങ്ങൾ കൊണ്ടു തൂവാല തുന്നുന്ന-
പഴയ കൂട്ടുകാരിയെ കണ്ടു.

കണ്ണിണ കൊണ്ട് കവിത കുറിക്കും -
ജാലം എന്നെ പഠിപ്പിച്ചു.

പ്രണയത്തിൻ നീതിശാസ്ത്രവും -
വിരഹത്തിൻ രീതിശാസ്ത്രവും പങ്കുവെച്ചു.

അത്ഭുതം ഇപ്പോൾ ഒരു വഴിമാത്രമേ മുന്നിലൊള്ളൂ.

തമ്മിൽ പിരിയില്ലന്ന ഉടമ്പടിയിൽ -
ഞങ്ങൾ കൈകോർത്തു നടന്നു .